Partitë bëhen gati për zgjedhje

Zgjedhjet e parakohshme po shihen si opsion më real për tejkalimin e bllokadës institucionale. Kjo për faktin se subjektet politike vetëm sa i kanë betonuar edhe më tepër qëndrimet e tyre fillestare. Ndërkohë, secili subjekt në një forme ose tjetër ka filluar të përgatitet për zgjedhje të jashtëzakonshme.

Dy partitë më të mëdha në vend PDK e LDK, kanë mbledhur kryesitë e partive dhe këshillat e përgjithshëm përkatësisht drejtues, për të diskutuar rreth tejkalimit të bllokadës institucionale. Duarkryq nuk ka qëndruar as partia e Albin Kurtit e cila ka shpeshtuar takimet me qytetarë anekënd Kosovës. Në mbledhjen e Këshillit Drejtues të PDK-së, kryetari i kësaj partie, Hashim Thaçi, ka thënë se mosgatishmëria e bllokut për të biseduar se bashku për tejkalimin e bllokadës institucionale, do të dërgojë vendin drejt zgjedhjeve të jashtëzakonshme.

”Nëse blloku bllokues vazhdon me këtë qasje, atëherë e vetmja rrugë që mbetet janë zgjedhjet e reja”, ka thënë mes tjerash Thaçi . Ndërkaq, Avdullah Hoti, anëtar i kryesisë së Lidhjes Demokratike të Kosovës, nuk është përgjigjur nëse LDK është duke u përgatitur për zgjedhje të reja…(Tribuna).