Partia për Veprim Demokratik zyrtarisht fituese e zgjedhjeve në Luginë
Partia për Veprim Demokratik e Shaip Kamberit edhe zyrtarisht është fituese në zgjedhjet për Këshillin Kombëtar Shqiptar.
Në këto zgjedhje, partia ka arritur të fitojë 6 mandate.
Këtë e bëri të ditur kandidati që mori më shumë vota në këto zgjedhje, Ragmi Mustafa, i cili mori më shumë se 4700 vota në tre komunat shqiptare.
Ky është postimi i plotë i Mustafës
Të nderuar qytetarë,
Sonte, Komisioni Zgjedhor konfirmoi fitoren tonë bindëse në zgjedhjet për Këshillin Kombëtar Shqiptar.
Partia për Veprim Demokratik me 6 mandate!
Urime!
Nga nesër fillojmë veprimet për krijimin e qeverisë së re reformatore. Për politika të së ardhmes. Jetësimin e programit tonë parazgjedhor, që u mbështet më së shumti nga populli.
Për flamurin, librin shqip, për bashkim.
Ju faleminderit Luginë.
Vazhdojmë #bashkë.