Partia Demokratike shënon 8 vjetorin: Do të jemi bartës të qeverisjes në Bujanoc më 201

Partia Demokratike po shënon 8 vjetorin e themelimit të saj e cila më 2 korrik të vitit 2011 filloi nismat e saj të organizimit politik në Luginë të Preshevës.

Më poshtë është mesazhi i kryetarit të Partisë Demokratike, Ngaip Arifi:

Mesazh urimi i kryetarit të PD-së për 8 vjetorin e themelimit të saj

Të dashur anëtarë, simpatizues, e dashura rini e Partisë Demokratike,

Me rastin e 8 vjetorit të themelimit të Partisë Demokratike më lejoni që t’ju shpreh urimet më të sinqerta në këtë përvjetor për secilin anëtar dhe simpatizues, duke filluar nga iniciatorët e deri te anëtari më i ri i Partisë Demokratike.

U bënë 8 vjet kur së bashku filluam rrugëtimin tonë politik. 2 Korriku shënon një datë të rëndësishme për popullin shqiptar. Përveç rëndësisë së aprovimit të deklaratës kushtetuese të pavarësisë së Republikës së Kosovës më 2 korrik 1990, për jetën politike në Luginë ka edhe një rëndësi tjetër.

Pikërisht në vitin 2011 lindi një Lëvizje Politke, që më pastaj më 2 korrik u pagëzua me emrin Partia Demokratike me seli në Bujanoc.

Gjatë këtyre 8 viteve Partia Demokratike u ballafaqua me shumë sfida.

Sfida këto të cilat kishin për qëllim përmirësimin e kushteve të jetesës për qytetarët tanë.

Me këtë rast, hapëm dyert për të gjithë ata të cilët shprehën vullnetin e para së gjithash për rininë shqiptare që përmes Partisë Demokratike të japin kontributin e vet për të punuar për të mirën e përbashkët.

Punën tonë 8 vjeçare qytetari jonë e sheh çdo ditë e sidomos atë të qeverisjes 2012 – 2016.

Kemi punuar bashkërisht që të krijojmë kushte të barabarta për çdo qytetar.

Kemi bashkuar vëllezërit nga Malësia me qytetin e Bujanocit dhe fshatrat tjera përmes ndërtimit të rrugës Tërnoc – Breznicë,

I siguruam banorët nga vërshimet permanente që iu kanoseshin atyre duke rregulluar shtratin e lumit Tërnoc.

Rinisë i siguruam kushte më të mira studimi duke ndërtuar objektin univerzitar, më të mirin në rajon.

Bëmë edhe shesh modern.

Me miqtë tanë ndërkombëtar nëpërmes organizatave ndërkombëtare si USAID-i, PROGRESI EUROPIAN, HELP-i, TIKA, RUMELISIAD, etj ndihmuan bizneset dhe bujqit.

Para se të purfundojmë dekadën e parë të themelimit të Partisë Demokratike ju garantoj se do jemi bartës të qeverisjes në Bujanoc në vitin e ardhshëm, e në Medvegjë do jemi në qeverisjen lokale ku do të marim përgjegjesinë që sovranit t’ iu kthehet dinjiteti, kurse në Preshevë në fillim të dekadës së dytë të veprimit të PD-së, do jemi edhe në qeverisjen lokale atje.

Në fund, të dashur anëtarë dhe simpatizues të PD-së, ju uroj shëndet dhe suksese në të ardhmen.

Gëzuar për shumë mote me Partinë Demokratike.

Gëzuar !

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).