Parqet dhe hapësirat e gjelbëruara publike vazhdojnë të jenë në gjendje të mjerueshme

Gjilan – Qytetarët e akuzojnë Alban Hysenin se nuk po ndërmerr asnjë hap për ta mbajtur të pastër qytetin dhe hapësirat publike. Në lagjen “Arbëria” është një park shumë modern, por dora institucionale nuk e ka pastruar sikurse as drunjtë dhe gjelbërimin që ndodhet tek rruga Fadil Jakupi.

Shumë hapësira gjelbërimi dhe drunj dekorative të mbjellura qysh në kohën e Qemajl Mustafës nuk mirëmbahen nga qeverisja e LVV.

Kjo qeverisje të vetmen armë e ka propagandën përmes rrjeteve sociale, se gjoja qyteti po përparon dhe po ecë përpara.

Qytetari Bardhi Bsaik ka shkruar: “O zotëri Kryetar e ke bo parkun e Arbërisë plot me kabare mujshi naj dit me najë pru edhe najë diskotekë se tjetër nuk është ka mungon. Pa dil shi niher atë udhe kryesore qysh u bo prej tekstilit deri te “Arbëria” ka shkruar ky qytetar.

Por nuk është vetëm “Arbëria” sepse hapësira publike të gjelbëruara ka shumë të tilla që komuna nuk i mirëmban fare. Është një rrugë e mbjellur me drunj të mrekullueshëm dekorativ, por që kurrë nuk mirëmbahet në rrugën “Fadil Jakupi”.

Esati qytetar në këtë lagje thotë se vërtet është e pakuptimtë që komuna asnjëherë se ka pastruar këtë pjesë.

”Janë drunj shumë të mirë ndërsa bari shpesh rritet dhe jemi ne qytetarët që kujdesemi nganjëherë dhe e pastrojmë” shton ky qytetar./rajonipress/