Parodi : Oj lum e lum po na i heqin vizat
RajoniPress
09:21, 18 Maj, 2016
Oj, lum e lum po na i heqin vizat – Ani, na shpëtojnë pa na ikë kërthizat ! Tjaraninaj, ninaj, no !
Oj , po ua japim demarkacionin ,
Ani , po ua japim asociacionin ! …
Tjaraninaj , ninaj, no !
Oj , çdo katund do t’ ua bëjmë komunë –
Ani , nuk do t’ mbesim , o , kurrë pa punë !
Tjaraninaj , ninaj , no !
Oj , kur s’ do t’ kemi , o, bukë rreth sofrës –
Ani , dalim rrimë , o , në Bjeshkë të Mokrës !
Tjaraninaj , ninaj , no !
Oj , kur s’ do t’ kem , o , bylmet të baçicës –
Ani , dalim rrimë , o , n’ Bjeshkë t’ Gjeravicës !
Tjaraninaj , ninaj , no !
Oj , kur t’ na merr , o , malli i shatorrit –
Ani , dalim rrimë , o , në Bjeshkë t’ Çakorit !
Tjaraninaj , ninaj , no !
Oj , kur t’ na merr , o , malli i Sllavicës –
Ani , shkojmë e rrimë , o , n’ Bjeshkë t’ Brezovicës !
Tjaraninaj , ninaj , no !
Oj , kur t’ na merr malli i “shlivovicës” –
Ani , shkojmë e rrimë n’ veri t’ Mitrovicës !
Tjaraninaj , ninaj , no !
O , kur të lodhemi na prej librit –
Ani , shkojmë e rrimë , o , na përtej Ibrit !
Tjaraninaj , ninaj , no !
Oj , kur të lodhemi prej bërllokut –
Ani , shkojmë e rrimë n’ mes Zubin Potokut !
Tjaraninaj , ninaj , no !
Oj , kur të lodhemi prej çekanit –
Ani , shkojmë e rrimë , o , n’ mjedis Zveçanit !
Tjaraninaj , ninaj , no !
Oj , kur të lodhemi prej çekiçit –
Ani , shkojmë e rrimë n’ mes Leposaviqit !
Tjaraninaj , ninaj , no !
Oj , kur t’ na merr malli i çirilicës –
Ani , shkojmë e rrimë n’ Manastir t’ Graçanicës !
Tjaraninaj , ninaj , no !
Oj , kur t’ na merr ,o , malli i bostanit –
Ani , shkojmë e rrimë n’ mes Gazimestanit !
Tjaraninaj , ninaj , no !
Oj , kur t’ na merr malli i Car Dushanit –
Ani , shkojmë n’ Prizren , o , rreth Shatërvanit !
Tjaraninaj , ninaj , no !
Oj , kur t’ na merr malli i koçanit –
Ani , shkojmë e rrimë n’ Manastir t’ Deçanit !
Tjaraninaj , ninaj , no!
Oj , kur t’ na merr , o , malli i ndejës –
Ani , shkojmë e rrimë n’ Patrikanë të Pejës !
Tjaraninaj ninaj no
Oj , kur t’ na shteren , o , sytë prej lotit –
Ani , shkojmë n’ shërim , o , n’ komunë t’ Kllokotit !
Tjaraninaj , ninaj , no !
Oj , kur t’ na merr , o , malli i përsheshit –
Ani , shkojmë e rrimë , o , n’ komunë t’ Parteshit !
Tjaraninaj , ninaj , no !
Oj , kur t’ na merr , o, malli i plugut –
Ani , shkojmë n’ komunë , o, të Ranillugut !
Tjaraninaj , ninaj , no !
Gjilan, më 17.05.2016. Demir KRASNIQI
