Parodi : Liberalizimi i vizave

Nga Demir Krasniqi

I.
Kuku nanë,
Po më dhembë kërthiza –
S’ kam shërim, oj nënë,
Pa na i hekë këto viza !

Kuku nanë,
Fort më ka kapë kriza –
Pa u hekë vizat , nënë ,
Nuk mund t’ bajë deviza !

Kuku nanë ,
M’ ka mbet thatë shtëpiza –
Pa u hekë vizat , nënë ,
Nuk po më merr Liza !

II.
Jalla , kush na i futi , oj nanë ,
Neve , gjithë këto miza –
Jalla , që s’ po i lanë , oj nanë,
Të na japin viza ?
Of , aman, aman , aman !

Rrugët e Evropës , nanë ,
Jalla , gropa – gropa …
Për pa na i hekë vizat , nanë,
S’ po na merr Evropa !
Of, aman, aman, aman !

Rrugët e Evropës , nanë,
Plot kanalizime …
Për pa na i hekë vizat , nanë –
S’ ka liberalizime !
Of , aman, aman , aman !

III.
Ani , jo n’ këtë t’ Enjte , moj ,
Po n’ atë t’ Enjte !…
Ani , moj Evropë ,
O, po boll na rrejte !
Tjaraninaj , ninaj , no !

Ani , jo n’ këtë javë, more ,
Po n’ atë javë – e !…
Ani , janë mbushë rrugët , o ,
Plot meçavë – e !
Tjaraninaj , ninaj , no !

Ani , jo n’ këtë muaj , more ,
Po n’ atë muaj – e !…
Ani , moj Evropë ,
O , me ne mos luaj – e !
Tjaraninaj , ninaj , no !

Ani , jo n’ këtë stinë, more,
Po n’ atë stinë – e ! …
Ani , moj Evropë ,
Kur po vjen n’ Prishtinë – e ?
Tjaraninaj , ninaj , no !

Ani , na ka rrokë , more ,
Nji siklet –e !…
Liberalizim vizash , o,
Nuk ka as sivjet – e !
Tjaraninaj, ninaj, no !

Gjilan, më 10.07. 2018 .

Demir Krasniqi

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).