Parodi aktualiteti në Kosovë : Kalle, kalle !…

E kalle, kalle sallën në Kuvend – E t’ na sheh bota, o, se jemi çmend ! E mollotovin kalle n’ Parlament –

E t’ na sheh bota se na kanë lanë mentë !
E kalle, kalle koktej mollotovin –
E se kështu na e kënaqim Moskovin !
E kalle, kalle , qitja flakën pragit –
E kështu ia bëjmë na qejfin Beogradit !
E kalle, kalle , o , ndizni dyshemetë –
E kështu te na , o, po bëjnë deputetet !
E kalle , kalle , o , ndizni veturat –
E kështu te na , o, po na veprojnë burrat !
E kalle, kalle , o , qitjani tymin –
E krejt dynjaja le t’ na e shohë trishtimin!
E kalle, kalle , o , qitjani flakën –
E mos t’ na shohin kur ta vjedhim arkën !
E kalle, kalle , ndizni korporatën –
E mos t’ na shohin çka po vjedhim natën !
E kalle, kalle , o, qitjani gotat –
E mos t’ na shohin kah t’i vjedhim votat !
E kalle, kalle , o, qitjani zjarret –
E ta shohë populli çka bëjnë atdhetarët !
E kalle , kalle , o, qitjani lotët –
E se kështu tregohen patriotët !
E kalle, kalle , o , ndizni gjykatat –
E mos t’ na shohin kur t’ vjedhim bankomatat !
E kalle, kalle , o, ndizni qytetin –
E mos t’ na shohin kur t’ vjedhim buxhetin !
E kalle, kalle , o , thyejani fenerët –
E mos t’ na shohin kur t’ vjedhim tenderët !
E kalle, kalle , thyejani kamerat –
E mos t’ na shohin me sy reporterat !
E kalle, kalle , o, te Policia –
E kështu ndërtohet , o , demokracia !
E kalle, kalle , flakë le t’ shkon qyteti –
E ta shohë populli se qysh mbahet shteti !
E kalle, kalle , ndize presidencën –
E se kështu na e bëjmë rezistencën !
E kalle , kalle , qysh e do shoqëria –
E se kështu , o, rrëzohet Qeveria !
E kalle , kalle, flakë le t’ shkojë hareja –
E se kështu na shkojmë në zgjedhje t’ reja !
E kalle, kalle , o, si për festa –
E na shkoi jeta , gjithmonë me protesta !
E kalle, kalle , veç për dekorata –
E na shkoj jeta , veç me demonstrata !
E kalli, kalli , dërrasat e tavanit –
E kështu na i dalim Zot Vatanit !

Gjilan, më 20.03.2016. Demir Krasniqi