Parlamenti Evropian me rezolutë – kërkon ndaljen e negociatave për Serbinë dhe liberalizimin e vizave për Kosovën

Parlamenti Evropian me njё rezolutё tё miratuar kёrkon sёrish heqjen sa mё tё shpejtё tё regjimit tё vizave pёr qytetarët e Kosovёs, ndёrsa pёrshёndёt aplikimin e vendit pёr status kandidati nё Bashkimin Evropian.

Mbështetet arritja e një marrëveshje mes Kosovës dhe Serbisë në kuadër të dialogut, përmes njohjes së ndërsjellë, ndёrsa nё tekst thuhet edhe se Pavarësia e Kosovës është e pakthyeshme. Njёkohёsisht kёrkohet nga pesëshja e mbetur evropiane qё tё njohё pavarёsinё e Kosovёs.

Kёto janё pjesё tё rezolutёs për Politikën e Jashtme dhe të Sigurisë, e cila ёshtё miratuar nё seancёn plenare tё mbajtur nё Strazburg.

Fokus i kёsaj rezolutё ёshtё kёrcёnimi qё paraqet agresioni rus ndaj Ukrainёs nё politikёn e BE-sё.

Pjesё e konsiderueshme e rezolutёs i kushtohet ndikimit qё ka Rusia nё shtetet e Ballkanin Perëndimor. Pёrmendet nё kёtё rrafsh ndikimi negativ rus nё rajon qё ka pёr synim destabilizimin e Ballkanit Perendimor. Bёhet thirrje njёkohёsisht që të parandalohet ky ndikim.

Në kёtё rrafsh i bëhet thirrje Serbisё qё që të respektojë vlerat evropiane dhe të përshtatë politikën e saj të jashtme me atë të Bashkimit Evropian ndёrsa nga BE kёrkohet qё mos të vazhdojë me procesin e negociatave tё anёtarёsimit pёrderisa Serbia nuk vendosur sanksione ndaj Rusisё.

Me anё tё Rezolutёs sё miratuar eurodeputetët gjithashtu i bёjnё thirrje BE-sё qё tё vendos sanksione ndaj presidentit tё entitetit serb nё Bosnjё e Hercegovinё, Milorad Dodik pёr shkak tё, siç thuhet, veprimeve që rrezikojnë unitetin dhe integritetin territorial të Bosnjёs.

Rezoluta e Parlamentit Evropian ёshtё miratuar me 407 vota pro, 92 vota kundёr dhe 142 abstenime.

Ndonёse kanё simblikё politike, rezolutat e Parlamentit Evropian nuk janё ligjërisht obliguese pёr institucionet e BE-së e as pёr vendet anëtare./telegrafi/

Shpërndaje.
© RAJONIPRESS