Parashikimi i motit për ditën e sotme – IHMK njofton për ngritje të temperaturave
RajoniPress
06:59, 13 Qershor, 2026
| 1 orë më parë
Instituti Hidrometeorologjik i Kosovës, ka njoftuar për motin që pritet të mbajë gjatë kësaj fundjave.
Sot, e shtune, IHMK, ka bërë të ditur se do të ketë mot me diell dhe vranësira të shpërndara.
Temperaturat, siç shton IHMK, pritet të lëvizin mes 8-11, dhe, 20-23 gradë celsius.
Postimi:
Parashikimi i motit për fundjavën (13–14 qershor 2026)
🌧️ Reshjet e shiut që përfshinë vendin gjatë ditës së djeshme kanë pasur ndikim shumë pozitiv në mjedis dhe në sektorë të ndryshëm të jetës. Këto reshje kanë përmirësuar lagështinë e tokës, duke krijuar kushte më të favorshme për zhvillimin e kulturave bujqësore, kanë ndikuar në uljen e përqendrimit të ndotësve në atmosferë dhe përmirësimin e cilësisë së ajrit, si dhe kanë kontribuar në shtimin e rezervave ujore sipërfaqësore dhe nëntokësore, të rëndësishme për furnizimin e popullsisë me ujë dhe për ekosistemet natyrore.
☀️ E shtunë, 13 qershor 2026
Mbi vendin tonë do të mbajë mot kryesisht me diell dhe vranësira të shpërndara.
🌡️ Temperaturat minimale do të lëvizin ndërmjet 8 dhe 11°C, ndërsa temperaturat maksimale të ditës do të arrijnë ndërmjet 20 dhe 23°C.
🌬️ Do të fryjë erë nga drejtimi i verilindjes dhe veriperëndimit me shpejtësi 1–5 m/s.
⛅ E diel, 14 qershor 2026
Parashihet mot me vranësira dhe intervale me diell. 🌦️ Vende-vende vranësirat do të shoqërohen me riga lokale shiu.
🌡️ Temperaturat minimale do të lëvizin ndërmjet 10 dhe 13°C, ndërsa maksimalet e ditës pritet të arrijnë nga 24 deri në 27°C.
🌬️ Era do të fryjë nga drejtimi i verilindjes me shpejtësi 1–6 m/s.
☀️ Indeksi UV
Indeksi UV gjatë intervaleve me diell do të jetë i moderuar deri i lartë. Prandaj, rekomandohet shmangia e ekspozimit të zgjatur ndaj rrezeve të diellit, veçanërisht të dielën nga ora 10:00 deri në 16:00, për të reduktuar rrezikun nga rrezatimi ultraviolet.
✅ Këshillë: Fundjava do të karakterizohet nga mot relativisht i këndshëm, me temperatura në rritje dhe kushte të favorshme për aktivitete në natyrë, sidomos gjatë ditës së shtunë.
