Parashikimi i motit për ditën e sotme

Sot në Kosovë pritet mot me vranësira dhe në disa rajone edhe intervale kohore me diell. Rrallë në ndonjë vend mund të ketë ndonjë rigë të dobët shiu. Temperatura minimale 0 gradë Celsius, ndërsa ajo maksimale rreth 9 gradë Celsius.

Në Shqipëri, Maqedoninë Veriore, Mal të Zi dhe Kosovën lindore sot pritet të mbajë mot me vranësira dhe në disa rajone edhe intervale kohore me diell. Rrallë në disa vise priten riga të dobëta shiu.

Ditëve të ardhshme pritet të kemi mot kryesisht stabil. Do të vazhdojnë vranësirat lokale, intervalet kohore me diell si dhe mjegulla e dendur pritet të kthehet përsëri sidomos netëve dhe mëngjeseve nëpër lugina dhe ultësira. Në disa vise do të ketë koncentrim më të gjatë të mjegullës, ndërsa temperaturat maksimale do të shënojnë rritje mbi 10 gradë Celsius në ato vise ku eventualisht mjegulla ose vranësirat e ulëta nuk do të pengojnë rrezet diellore./MeteoBallkan

Shpërndaje.
© RAJONIPRESS