Paralajmërohet koalicioni LVV – LDK

Gjatë ditës së sotme do të bëhet e qartë nëse LVV-ja dhe LDK-ja do t’i harmonizojnë qëndrimet e tyre për të bashkëpunuar në qeverisjen e ardhshme. Pas takimit të sotëm mes dy palëve do të mësohet nëse do të ketë marrëveshje paszgjedhore LVV – LDK.

Ndonëse ende nuk janë publikuar rezultatet finale për zgjedhjet e 6 tetorit, LVV-ja dhe LDK-ja kanë paralajmëruar arritjen e një koalicioni paszgjedhor për ditët në vijim. Gjatë ditës së djeshme Vjosa Osmani, kandidate për kryeministre nga LDK-ja (partia e dytë e dalë nga zgjedhjet), ka thënë se nuk ka alternativë tjetër, përpos arritjes së koalicionit me LVV-në.

Ndërkohë Albin Kurti, kandidat për kryeministër nga LVV-ja (parti fituese e zgjedhjeve), tashmë ka bërë të ditur se gjatë ditës së sotme do ta zhvillojë një takim me zyrtarët e lartë të Lidhjes Demokratike të Kosovës.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).