Paralajmërohet albumi i ri i Taynës me përplot 16 këngë

Reperja nga Prizreni, Tayna, duket se ka nisur punën për një album të ri.

Kështu ka bërë të ditur menaxheri i saj, Rinor Hykolli, përmes një postimi të ndarë më ndjekësit në InstaStory.

Duke zbuluar detaje më të hollësishme, ai njofton se albumi përmban gjithsej 16 këngë.

“Albumi me 16 këngë po vjen”, thekson ai.

Ai madje u ka bërë thirrje të gjithë artistëve tjerë që të lansojnë këngët e tyre, përpara që Doruntina Shala (emri i vërtetë) të sjell albumin.
“Vraponi publikoni çfarë keni në mend”, shton më tej Hykolli.

Ky vit po ashtu ka qenë mjaft i suksesshëm për Taynën, e cila solli një mori këngësh dhe bashkëpunimesh me emra të njohur.

Ajo nuk mungoi as në koncerte, duke qenë se është një nga artistet më të kërkuara në treg. /Telegrafi/