Pandeli Majko: Nuk duhet të publikohen sekretet e luftës ndaj terrorizmit

Ish-Kryeministri i Shqipërisë, Pandeli Majko ka folur për televizionin amerikan ‘Fox News’ lidhur me raportin e publikuar së fundmi për torturat e CIA-s gjatë luftës kundër terrorizmit. Majko shprehet kundër publikimit të këtij raporti duke theksuar se lufta kundër terrorizmit vazhdon ndërsa ajo ka edhe sekretet e saj.

Cili ka qene roli i Shqipërisë në programin amerikan të arrestimeve?

Shqipëria ka qenë një partner shumë i ngushtë. Jo vetëm sepse luftën kundërt terrorizmit e kemi konsideruar lufte amerikane që filloi pas sulmeve të 11 shtatorit. Por, e kemi konsideruar edhe luftën tonë. Por, sigurisht në disa rrethana, jo vetëm Shqipëria, por mendoj se të gjithë aleatet e SHBA kanë qenë të papërgatitura për luftën kundër terrorizmit. Rregulla të reja, angazhim i ri, situate e re. Një luftë pa klishe, të cilat kemi njohur në konflikte të tjera të mëparshme. Sigurisht në të tilla rrethana, kemi bashkëpunuar me qeverinë e SHBA, me ushtrinë amerikane apo shërbimin inteligjent me shumë besim në operacione të llojeve të ndryshme.

A u përfshi Shqipëria në marrjen në pyetje të terroristëve?

Sigurisht që jemi përfshirë në operacione që janë specifikuar me kërkesat zyrtare nga institucione të ndryshme dhe pikë së pari nga Ambasada e SHBA në Tiranë. Jo sepse kemi ndonjë lloj frike nga faktet e ndryshme të publikuara në raportin e fundit në senat. Më duhet ta them hapur se kjo luftë, kjo luftë e re, lufta kundër terrorizmit është shumë e rëndësishme. Ne kemi bërë detyrën tonë, duke u bazuar në besim, konfidencë dhe në sigurinë kolektive që funksionon mes vendeve të NATO-s. Më duhet të them një detaj. E kuptoj që në tilla kushte raporti ka detajuar fakte të ndryshme, dua ta përsëris që ne kemi qenë të papërgatitur për këtë luftë të re. Në të tilla kushte e kuptoj shumë mirë se duhet të marrim leksione nga gabimet tona dhe nuk mund ta imagjinoj një luftë pa gabime. Por që të trajtosh këto gabime për të ndryshuar rregullat hap pas hapi është një tjetër gjë, dhe të publikosh të tilla fakte është tjetër gjë.

A jeni shqetësuar që ky raport është bërë publik?

Ajo që nuk kuptoj është sesi mund te publikohen detaje të tilla në raport ndërsa në jemi në mes të luftës. Në luftë nevojitet besim dhe në luftë ka edhe sekrete. Dhe në mes të luftës kemi njerëz të ushtrisë, të shërbimit sekret, ndonjëherë në vijë të parë dhe kjo nuk mund të kalohet duke thënë se faktet janë fakte gabimet janë gabime.

A e ndihmon kjo armikun?

Mendoj se kur përfaqësuesit SHBA do të shkojnë të trokasin në dyert e aleatëve për operacione të ndryshme ndoshta në mënyrë të sjellshme ata do të pyesin për ligjshmërinë e këtyre veprimeve. Dhe shumë formalitete mund të hyjnë në mes. Mendoj se duhet të kujdesemi shumë për atë që po prodhojmë me një raport kaq të debatueshëm. Nga njëra anë president i SHBA thotë diçka, ndërsa drejtori i CIA thotë tjetër gjë. Kur bëjmë operacione të ndryshme me SHBA, e bëjmë këtë bazuar në besim. Kur ju vendoset ta publikoni këtë, keni harruar të pyesni ata të cilët kishit besim dhe me të cilët keni bërë punën. Mendoj se kjo është shumë e rëndësishme për t’u shpjeguar, përpara publikut amerikan. Kjo është një luftë ndryshe, nuk është një luftë që kemi parë nëpër filma dhe nuk është një lufte që ne mendojmë se e njohim. Kam qenë në Afganistan, kam qenë në Irak, kam qenë në vende të ndryshme ku ushtarët amerikanë dhe ushtarët shqiptarë kanë qenë përpara armikut. Pasi i kam vizituar ata e kam pranuar faktin se ndonjëherë kam qenë naiv me idenë se dija gjithçka se çfarë do të thotë luftë kundër terrorizmit.

A ekziston mundësia që nga sot e tutje Shqipëria të thotë jo, nuk do t’ju ndihmojmë sepse ju do të publikoni veprimet tona?

Zotëri, mendoj se çka nisi si luftë amerikane pas sulmeve të 11 shtatorit,, nuk është më luftë amerikane. Ne jemi së bashku në lufte dhe ne do e përfundojmë këtë luftë së bashku. Por ju lutem, ne duhet të tregohemi shumë të kujdesshëm. Duhet t’i trajtojmë problemet dhe gabimet. Ne kemi një armik dhe na duhet fitore. I kemi fituar disa beteja, por ende luftën.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).