Pamje: Mërgim Berisha shënon sërish për Fenerbahcen

Mërgim Berisha e ka kaluar Fenerbahcen në epërsi 2:1 kundër Besiktasit, në derbin e Superligës turke që po zhvillohet momentalisht në Stamboll.

Sulmuesi shqiptar shënoi për 2:1 për Fenerin në minutën e 30-të në stadiumin Ülker, raporton Gazeta Express.

Për Berishën, i cili e ka përfaqësuar Gjermaninë U21 deri tani dhe është mes Kosovës dhe Gjermanisë A, ky ishte goli i tretë në 11 paraqitje në Superligën turke.

Sulmuesi me prejardhje nga Suhareka i ka shënuar pesë gola dhe i ka dhënë tri asiste në 19 paraqitje për Fenerbahcen në të gjitha garat këtë sezon.

Mesut Ozil e kishte kaluar Fenerin në epërsi në minutën e 14-të, para se Josef ta barazonte rezultatin rreth dhjetë minuta më vonë.

Siç qëndrojnë gjërat, Fenerbahce është në vendin e tretë me 30 pikë, 12 më pak se lideri Trabzonspor, ndërsa Besiktasi i 10-ti me 24 pikë. /Gazeta Express/

Shpërndaje.
© RAJONIPRESS