Zëvendës ndihmës sekretari i Shtetit, Matthew Palmer dhe emisari special evropian për dialogun Kosovë-Serbi Mirosllav Lajçak thanë sot se SHBA dhe BE nuk janë rivalë dhe kanë të njëjtat synime dhe vizione për rajonin e Ballkanit Perëndimor.
Në një video-konferencë për “Dialogët ballkanikë, organizuar nga Concordia, Instituti East West (EWI) dhe Fondi i Beogradit për Përsosmëri Politike (BFPE), Palmer tha se SHBA mbetet e angazhuar në rajon për të siguruar qëllimin përfundimtar – normalizimin e marrëdhënieve Kosovë-Serbi.
Ndërkohë, dialogu mes Kosovës dhe Serbisë pritet të rifillojë gjatë këtij muaji. /Lajmi.net/
