Pal Lekaj nënshkruan kontratë për zgjerimin e hyrjes dhe urës së Veternikut

Ministri i Infrastrukturës dhe Transportit Pal Lekaj, sot ka nënshkruar kontratën për zgjerimin e rrugës nacionale N2, segmenti hyrja në qytetin e Prishtinës nga ana e Veternikut, bashkë me urën që i lidhë rrugët nacionale N2 dhe N25.2, me kyçjen e autostradës R7 “Ibrahim Rugova”.

Në komunikatën për media të Ministrisë thuhet se ky projekt është tejet i rëndësishëm për këtë zonë të mbingarkuar nga komunikacioni, nga frekuentimi i madh i veturave që hyjnë dhe dalin në kryeqytet.

Ky projekt me vlerë mbi 2.5 milionë euro, do të fillojë në fund të muajit qershor.

Sipas Ministrisë së Infrastrukturës ky projekt do të zhvillohet sipas planit dinamik të punimeve, duke evituar çfarëdo vonese në përfundim të punimeve me kohë.ë