Pak biznese, pak para

Vetëm rreth 8 milionë euro mund të derdhen nga doganat e Kosovës në fondin për veriun çdo vit. Kaq para mund të mblidhen nga të gjitha bizneset e regjistruara në këtë pjesë të Kosovës.

Zyrtarisht, sipas Ministrisë së Tregtisë dhe Industrisë, janë të regjistruara vetëm 14 biznese në të gjitha komunat e veriut.

Në nenin 2, paragrafi 3 të ligjit të buxhetit të Kosovës me të cilin themelohet edhe fondi, thuhet se të gjitha paratë publike të mbledhura prej mallrave të importuara nga bizneset e regjistruara në veri të Mitrovicës, të cilat janë të destinuara për konsum në këto komuna, në momentin e hyrjes në Kosovë përmes pikave doganore në Jarinje dhe Bërnjak, duhet të dërgohen në Fondin Zhvillimor të Mirëbesimit.

Në këtë mënyrë jo të gjitha të hyrat përmes pikave doganore në Jarinje dhe Bërnjak do të shkojnë për këtë fond (Tribuna).