Pajisje shkollore falas për nxënësit e Luginës

Të hënën, me 2 shtator, nëntëqind nxënës të klasave të para në Preshevë, Bujanoc dhe Medvegjë do të marrin pajisje shkollore me vlerë prej 804.602,40 dinarë.

Donacioni është siguruar nga ana e Trupit Koordinues (TK) për këto tri komuna. Pajisjet shkollore të kompletuara përmbajnë çantë të shkollës, tri fletore, bllok vizatimi, vizore, ngjyra të drurit, numëratore, gdhendëse, goma, lapsa dhe stilolapsa.

Vlera e një kompleti është 804,60 dinarë.

Kryetari i Trupit Koordinues të Qeverisë së Republikës së Serbisë për komunat Preshevë, Bujanoc dhe Medvegjë, Zoran Stankoviq së bashku me kryetarët e komunave do të ndajë pajisjet shkollore nxënësve në shkollat fillore “9 maji” në Leran të Preshevës, si dhe shkollën “Vuk Karaxhiq” Levosojë dhe “ Desanka Maksimoviq” në Bilaç të Bujanocit.

Nënkryetari i Trupit Koordinues Sima Gazikalloviq së bashku me kryetarin e komunës së Medvegjës do të ndajë pajisjet shkollore nxënësve në shkollën fillore “Jabllanica e Epërme”./Titulli.com/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).