RCCOLA

Pajaziti shpreson në fitoren e PDK-së

/ 3 minuta lexim

Gjilan – Dega e PDK-së në Gjilan, që do të jetë sërish fitues i zgjedhjeve të sivjetme, me programin e saj qeverisës, do të ketë prioritet mbi prioritetet interesat e rinisë, për të rivitalizuar energji dhe një potencial që do të bëjë ndryshimin dhe transformimin e madh në shumë fusha të zhvillimit ekonomik dhe social, ka thënë Zenun Pajaziti, në ftesën e tij bërë rinisë së komunës së Gjilanit për masovizim në zgjedhjet e Rinisë Demokratike të PDK-së në Gjilan.

Pas një procesi të madh masiv dhe kualitativ, dega e PDK-së në Gjilan, rrumbullakesoj procesin zgjedhor dhe tash po mobilizohet për zgjedhjen në Rininë Demokratike të Kosovës Dega në Gjilan.

Në takimin e parë të kryesisë së re të degës së PDK-së në Gjilan, të udhëhequr nga kryetari i ri Zenun Pajaziti, është diskutuar ekskluzivisht për përgatitjet për procesin tjetër zgjedhor, të Rinisë Demokratike të Kosovës Dega në Gjilan, i cili, gjithsesi do të shtrihet në të gjitha nëndegët e PDK-së, duke absorbuar energjinë e re kualitative, pjesën më vitale – rininë, me të cilën do t’i ofrojmë qytetarëve ofertën tonë të suksesit, vazhdimin e një qeverisje edhe më të mirë për qytetarët gjilanas tha Shefik Surdulli sekretar i degës së PDK-së.

Rinia e PDK-së ka luajt rol të rëndësishëm në fitoret e njëpasnjëshme të Partisë Demokratike, ka thënë Pajaziti, i cili ka falënderuar kryesinë e deritashme të RDK-së në Gjilan, e cila me tërë potencialin dhe kapacitetet qe ka pas në dispozicion, ka ndihmuar në rriten dhe sukseset e PDK-së në Gjilan.

Fidanishtja

Kryesia e degës, ka angazhuar nja ekip të aktivistëve për organizimin dhe mbarëvajtjen e procesit zgjedhor në RDK. Nga kryesia e degës janë caktuar: Ilir Tahiri, Fadil Hajdari, Sahit Abazi dhe Erduan Hamiti. Ndërsa nga kryesia aktuale e RDK-së, është caktuar; Kujtim Bajrami dhe Astrit Bajrami. Kurse nga Këshilli i Degës, Veton Nevzati, drejtor për Rini, Kulturë dhe Sport.

Zgjedhjet në RDK do të fillojnë javën e ardhshme, me ç’rast ftojmë të rinjtë e Gjilanit të kyçen në procesin zgjedhor të RDK-së, sipas agjendës zgjedhore nëpër çdo nëndegë, e cila do të publikohet në media dhe kudo në lagjet e qytetit dhe në nëndegët e fshatrave.

Dega e PDK-së në Gjilan, që do të jetë sërish fitues i zgjedhjeve të sivjetme, me programin e saj qeverisës, do të ketë prioritet mbi prioritetet interesat e rinisë, për të rivitalizuar energji dhe një potencial që do të bëjë ndryshimin dhe transformimin e madh në shumë fusha të zhvillimit ekonomik dhe social, ka thënë Zenun Pajaziti, në ftesën e tij bërë rinisë së komunës për masovizim në zgjedhjet e Rinisë Demokratike të PDK-së në Gjilan./rajonipress/