Pajaziti: Përulemi para veprave të Rexhep Malës e Nuhi Berishës

Gjilan – Në nisjen e Manifestimit “Flaka e Janarit 2016”, kryetari i Degës Zenun Pajaziti bënë homazhe tek shtatorja e Rexhep Malës e Nuhi Berishës.

Në ditën e nisjes së Manifestimit “Flaka e Janarit 2016”, kryetari i degës së PDK-së në Gjilan Zenun Pajaziti me bashkëpunëtorë ka bërë homazhe tek shtatorja e heronjëve Rexhep Mala e Nuhi Berisha.

“Edhe në këtë 11 Janar ne po kujtojmë veprat sublime të dëshmorëve tanë. Sot më 11 Janar përkulemi para shtatores së Rexhep Malës e Nuhi Berishës, përkulemi dhe bëjmë nder para veprës së tyre të pashembullt për rezistencë e çlirim, në këtë datë e cila përkon më rënien e këtyre figurave atdhetare e heronjëve tanë” ka thënë Zenun Pajaziti ”.

Për të marrë edhe sot frymëzim nga vepra e heronjëve Rexhep Mala e Nuhi Berisha, kryetari Pajaziti ka vizituar edhe familjen Mala e Berisha./rajonipress/