Pajaziti: PDK partia më e fuqishme dhe më unike

Gjilan – Bashkërisht po vazhdojmë të reflektojmë se kemi struktura stabile me gatishmëri dhe bindje për të mbajtur frymën e qëndrueshme politike e përfundimtare për fitore të PDK-së, për faktin se ne funksionojmë dhe organizohemi si parti unike ka thënë kryetari i Degës së PDK-së në Gjilan Zenun Pajaziti në mbledhjen me kryetarët e nëndegëve.

“Partia Demokratike e Kosovës me strukturat e saja, aktivistët dhe përkrahësit e saj do të rikonfirmojë sukseset e saja, për tu treguar të tjerëve që PDK është ajo që ndërton infrastrukturë rrugore e shkollore, PDK është ajo që gjatë qeverisjes së sajë ishte përkrahëse e bujkut në ndarjen e subvencioneve të shumta, PDK realizoi projekte të shumta në arsim, shëndetësi e shumë fusha të tjera për të cilat ka dhënë dëshminë më të mirë në këto mandate qeverisëse e që do t’i vazhdojë edhe në mandatet tjera”, kështu të paktën mendon Zenun Pajaziti.

Pajaziti ka shtuar se PDK-së çdo ditë i ofrohen njerëz të rinj, profesionistë të dalluar e të devotshëm që shprehin admirimin e tyre për faktin se PDK-në e shohin si partinë më të organizuar, më serioze më të përkushtuar e më të përgjegjshme në obligimet dhe detyrat qeverisëse, e të cilët PDK i konsideron si potenciale të reja për pasurimin e ideve në hartimin e ofertës më të mirë e më të pëlqyeshme për qytetarët e Komunës.

Ndërkaq kryetarët e nëndegëve janë deklaruar se me aktivitetet dhe angazhimet e tyre në teren po tregojnë se PDK është subjekti më i fuqishëm dhe më unik i cili edhe në të ardhmen do ta vazhdojë serinë e fitoreve të saja për t’i sjellur komunës punë dhe realizim të projekteve të mëdha./rajonipress/