Pajaziti: PDK ka shënuar rekord në sferën e investimeve

Gjilan – Lista e pafund e realizimit të projekteve kapitale për komunën e shtetin nga qeverisja e PDK-së, na bënë të jemi subjekti më i pranueshëm dhe më me kredibilitet për qytetarët e komunës dhe të Republikës ka thënë kryetari i Degës së PDK-së në Gjilan Zenun Pajaziti në takimin me strukturat e nëndegës së PDK-së në Përlepnicë.

Sallën Emblematike të Kulturës në Përlepnicë, Përlepnicasit kanë organizuar aktivitete politike jo të lehta për kohën dhe rrethanat, prandaj edhe sot Përlepnica vazhdon traditën e mirë të organizimit politik ka thënë Pajaziti.

Pajaziti ka shtuar se PDK në qeverisje, këtë vit ka shënuar rekord në investime e sidomos në subvencione në bujqësi duke vlerësuar rëndësinë që ka ky sektor për komunë dhe vendin.

Ai ka thënë se politikat e PDK-së janë për një zhvillim sa më të hovshëm të komunës e shtetit.

Ndërsa anëtari i kryesisë qendrore të PDK-së, njëherësh deputet i Kuvendit të Kosovës Elmi Reçica, ka potencuar se ne jemi në fazën e shtetndërtimit dhe Integrimit të shtetit në mekanizmat relevant ndërkombëtarë dhe më tërë kapacitetet tona shtetërore në përditshmëri po përpiqemi në realizimin e tyre.

“Gjilani si komunë ka veçantinë e saj, për arsyen se ka pranë dy komuna të Kosovës Lindore, prandaj qeverisja e Kosovës do ta trajtoj në mënyrën më të veçantë Komunën e Gjilanit” ka shtuar Elmi Reçica

Në anën tjetër sekretari i degës Bujar Nevzati dhe kryetari i nëndegës së PDK-së në Përlepnicë, Erduan Hamiti kanë konfirmuar besimin që Përlepnicasit kanë për PDK-në.

“Përlepnica i besoi PDK-së edhe në zgjedhjet e para vitit 2007, Përlepnica do t`i besoj edhe më bindshëm PDK-së edhe në këto zgjedhje nga fakti se qeveria e PDK-së ka bërë investime të theksuara sikur nëpër shumë vendbanime të komunës edhe në Përlepnicë si në infrastrukturën rrugore, atë shkollore, në ndriçim të fshatit, në hapësirë të gjelbërt e projekte të tjera” kanë potencuar ata thuhet në njoftimin e PDK-së./rajonipress/.