Pajaziti: PDK do të ndihmojë pensionistët

Gjilan – Me qëllim të njoftimit me punën, organizimin dhe gjendjen në të cilën funksionon Organizata e Pensionistëve të Kosovës në Gjilan, sot këtë organizatë e ka vizituar kryetari i Degës së PDK-së në Gjilan Zenun Pajaziti.

Pajaziti me ketë rast ka shprehur gatishmërinë për mundësinë e bashkëpunimit të mëtutjeshëm me këtë organizatë, duke vlerësuar lart kontributin dhe meritat që ka kjo kategori në shoqërinë tonë. “Jemi të vetëdijshëm se çështja e skemës pensionale është e rëndësisë së veçantë për ju, e cila është në debat dhe sapo të sigurohet buxheti do të shkoj për miratim në Kuvendin e Kosovës. Pavarësisht që Qeveria e Kosovës ka bërë për dy herë ngritjen e pensioneve, me miratimin e Ligjit pensional gjendja e pensionistëve do të jetë e kenaqshme për kategorinë e pensionistëve” ka thënë Pajaziti.

Pajaziti ka shtuar se ne si PDK do të marrim zotime për mundësitë e ndihmesës edhe si parti edhe si institucione për pensionistët.

Kryetari i Organizatës së Pensionistëve në Gjilan, Jonuz Emini ka shprehur mirënjohje në emër të organizatës, për trajtimin dhe ndihmesën që i ka ofruar PDK dhe komuna e Gjilanit, duke shtuar se të gjitha kërkesat që kemi drejtuar ne si Organiyatë e Pensionistëve në adresë të kryetarit të Komunës, na është përgjigjur pozitivisht.

Ndërsa anëtarja e kryesisë së Organizatës së Pensionistëve në Gjilan, Makfire Osmani – Uzurnaliq, është deklaruar e kënaqur sa i përket bashkëpunimit në mes të PDK-së dhe organizatës, ku PDK që nga themelimi edhe në opozitë sa ishte, edhe sot ku udhëheq me institucionet komunale e qendrore, ka pasur konsideratë ndaj kategorisë së pensionistëve, duke shprehur mirënjohje për kontributin tonë si shtresë kontributdhënëse për vendin dhe shoqërinë./rajonipress/