Pajaziti: Fitorja e PDK-së është fitore e çdo të riu

Gjilan – Zenun Pajaziti pasi ka takuar të rinjtë në sheshin “Rexhep Mala e Nuhi Berisha” tha se në zgjedhjet që pritet të mbahen këtë vjeshtë PDK do të fitojë dhe kjo nuk do të jetë vetëm fitorja e PDK-së, por edhe e çdo të riu dhe e gjithë qytetarëve të vendit.

Pajaziti ka bashkëbiseduar me të rinjtë e PDK-së në qendër të qytetit ku edhe ka shpallur zyrtarisht hapjen e procesit zgjedhor në rininë e PDK-së në Gjilan.

Pajaziti ka ftuar të rinjtë që bashkarish të përballen me vështirësitë , por edhe për të punuar që Gjilani të bëhet edhe më i bukur .

Pajaziti ka përsëritur se Gjilanin në zgjedhjet që pritet të mbahen këtë vjeshtë sërish do ta fitojë PDK-ja dhe kjo nuk do të jetë vetëm fitorja e PDK-së, por edhe e çdo të riu dhe e gjithë qytetarëve të vendit.

Derisa ka folur afër shtatores së Rexhep Malës e Nuhi Berishës , Pajaziti u ka thënë të rinjve se ata dhe ushtarët e UÇK-së vepruan që ne sot të jemi të lirë, por shtoi ai, liria duhet të ndërtohet andaj angazhimi i secilit të ri, me ide e vizion, është i mirëseardhur në rininë e PDK-së që i ka hapur dyert.

Ndryshe Pajaziti është përgjigjur edhe në interesimet e të rinjve dhe ka kërkuar nga ata që t`i bashkohen PDK-së sepse sipas tij ata do të jenë pjesë aktive e ofertës së re të PDK-së.

Në fund Pajaziti e ka quajtur si të arritur për Gjilanin hapjen e Universitetit të Gjilanit ku siç u shpreh ai është dhurata më e mirë për të rinjtë. Sipas tij PDK-ha dhe vet koncepti i tij do të mundohet që të sjellë dhe bursa për të rinjtë e Anamoravës./rajonipress/