Pajaziti: Do të jemi të pa kompromis për çdo dështim dhe keqqeverisje

Gjilan – Zenun Pajaziti kryetar i degës së PDK-së në Gjilan thotë se Partia Demokratike e Kosovës në Gjilan po rikonfirmohet te qytetarët me energji të reja dhe me gatishmërinë për të ofruar zgjidhje për sfidat që ka Gjilani dhe regjioni. Do të jemi aktiv në mbështetje të çdo iniciative dhe pune të mirë për qytetarët si dhe të pa kompromis për çdo dështim dhe keqqeverisje tha Pajaziti.

Zenun Pajaziti është optimist se dega e PDK-së në Gjilan tashmë po ngjallet dhe po merr mbështetje e përkrahje nga strukturat qytetare.” Këto ditë, PDK, po zhvillon aktivitete të ngjeshura me qellim të konsolidimit të strukturave të saja dhe takime me qytetarët. Kjo periudhë do të jetë vendimtare për ta dëgjuar çdo shqetësim dhe ide të qytetarëve rreth qeverisjes dhe gjetjes së formave për ta zhvilluar më shpejtë këtë Komunë” thotë Pajaziti.

Pajaziti tha se personalisht është shumë i kënaqur me interesimin dhe me gatishmërinë e të rinjve, qytetarëve etj. për t’u bashkuar me ne dhe vizionin tonë për Gjilanin. ”Tanimë kemi edhe përvojat tona më të mira si edhe mësimet nga lëshimet e mundshme e poashtu edhe dështimet e tashme të qeverisjes. PDK, ndërkohe që është duke u profilizuar edhe më tej për projektet zhvillimore për një ofertë të re për Gjilanin. Do të jemi aktiv në mbështetje të çdo iniciative dhe pune të mirë për qytetarët si dhe të pa kompromis për çdo dështim dhe keqqeverisje” tha Pajaziti./rajonipress/