Paderborn e di që vështirë të mbahet Florent Muslija, në garë shtohet edhe Bochum

Paderborn ka 27 pikë nga 17 ndeshjet e gjysmës së parë të sezonit, ndërsa lojtari më meritor i tyre këtë sezon është Florent Muslija.

Fal paraqitjeve të tij, Florent Muslija gjashtë muaj para përfundimit të kontratës së tij në verë, mund të largohet nga klubi.

Fillimisht në garë ishte futur Stuttgarti, pas ylli i Kosovës, shënoi shtatë gola dhe përgatiti katër asistime për të të tjerë në 16 ndeshje të kampionatit.

Ai gjithashtu kishte edhe dy gola dhe dy asistime në tre ndeshje në Kupën e Gjermanisë.

Sipas “Bild”, në garë është futur Bochum, që tashmë kanë filluar kontaktet me menaxherin e Muslijës.

Deri më tani, synimi i klubeve ishte që ta merrnin lojtarin në verë si lojtar i lirë, por klubet mund të përshpejtojnë këtë dimër duke paguar për ta afruar.

Në Paderborn e dinë prej kohësh që Muslija e sheh të ardhmen e tij në Bundesligë më së voni në sezonin e ardhshëm, por 25-vjeçari që nga janari mund të jetë pjesë e kampionatit të madh. /Telegrafi/