Pacollin nuk e konsideron fare rival

Kryetari i Lidhjes Demokratike të Kosovës, njëherit edhe pretendent për të vazhduar me drejtimin e Prishtinës, edhe në mandatin e ardhshëm katërvjeçarë, ka vlerësuar se është kandidat i pakontestueshëm.

Ai në një intervistë në RTK, sërish ka thënë atë të cilën e kishte thënë ditë më parë në Prizren, se në Prishtinë, do t’i mundte, sikur kundër kandidat t’i kishte edhe Hashim Thaçin, Albin Kurtin e Ramush Haradinajn.

Ndërsa i pyetur se pse në këtë mes nuk e fut kryetarin e AKR-së, Behgjet Pacolli, Mustafa ka thënë se atë nuk e konsideron fare rival.

“Më duhet të sillem me përgjegjësi ndaj votës, e duhet të kem respekt edhe ndaj rivalëve. Ndërsa sa i përket zotit Pacolli, nuk e shoh fare si konkurrent politik”, ka thënë Mustafa.

Ndërsa ri kandidimin e tij në Prishtinë, e jo të dikujt tjetër nga LDK-ja, Mustafa nuk e ka vlerësuar të ketë ardhur nga frika se me dikë tjetër do ta humbnin Prishtinën, por sipas tij, për faktin se me të LDK ka vlerësuar se fitoren do ta ketë edhe më të madhe.

Prishtinën sërish do ta fitojë pa balotazh, sikurse herën e fundit.