Pacolli Uron Erdoganin dhe “popullin vëlla” turk

Behgjet Pacolli e ka uruar Erdoganin për zgjedhjen e tij si President të Turqisë. Ndërkohë një urim ai e ka dërguar edhe për turqit të cilët sipas tij janë popull ‘vëlla’ me shqiptarët.

ë poshtë mund të lexoni urimin e Pacollit

Zgjedhja popullore e zotëri Recep Taip Erdogan në krye të Turqisë si President, është një rast që unë t’i uroj shkëlqesisë së tij dhe popullit vëlla turk suksese të mëdha në ndërtimin e mëtejshëm të një Turqie moderne, demokratike dhe të begatë.

Që nga 2003-i, kur zoti Erdogan erdhi në krye të politikës turke, Turqia ka katërfishuar GDP-në e vet dhe është shndërruar në një faktor të rëndësishëm global.

Ne kosovarët i jemi mirënjohës Turqisë për ndihmën e pakursyer dhënë gjatë dhjetëvjeçarëve të fundit, në veçanti pjesëmarrjen e saj në operacionet për çlirimin e Kosovës, njohjen e pavarësisë ndër shtetet e parë, dhe mbështetjen e vazhdueshme për konsolidimin ekonomik dhe ndërkombëtar të shtetësisë sonë.