Pacolli: Trepça është një kufomë që i sillemi rreth e përqark

Behgjet Pacolli nga koalicioni AKR-Nisma-PD, ka thënë se personalisht në të kaluarën ka biseduar me investitorë të cilët kanë qenë të gatshëm që të investonin në Trepçë.

“Trepça është një gjigant i palëvizshëm. Pas kam pas investitorë që ka qenë i gatshëm për investime të përbashkëta. Trepça tash është një kufomë që duhet të trajtohet. Ose duhet të mbyllet krejtësisht, sepse nuk ka asgjë fizibile në Trepçë”, ka thënë Pacolli, njofton Klan Kosova.

“Mas 12 vitesh dikush tenton të flasë për këtë. Trepça nuk është shpëtuar. Duhet të investohen 200-300 milionë që të bëhet e arsyetueshme dhe të fillojë puna. Derisa nuk fillon investimi aty është një kufomë që i sillemi rreth e përqark dhe nuk ndodhë asgjë”.

Sipas Pacollit punëtorët e Trepçës sot nuk marrin asgjë.

“Për Trepçën duhet shumë punë dhe duhet të trajtohet nga ekspertë dhe jo nga njerëz që nuk kanë lidhje sepse vetëm mund ta fundosin. Njerëzit që kanë marrë besim duhet që ta duan Kosovën. Nuk mund të thuhet se ‘E dua Kosovën’ dhe se abuzon me të”.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).