Pacolli thotë se populli po mbahet peng nga njerëzit që e kanë grabitur e përdhunuar Kosovën

Presidenti i AKR’së Behgjet Pacolli thotë se popoulli po mbahet peng nga një grusht njerëzish.

Postimi i plotë i Pacollit:
Ai thotë se janë po të njëjtit njerëz që janë të zgjedhur nga populli ata që po e mbajnë peng popullin. Ai thotë se qytetarët kanë filluar të turpërohen nga gjendja në vend.
Po më vjen shumë keq si një grusht njerëzish, madje të zgjedhur nga populli, sot e mbajnë peng Kosovën. Unë atyre u them se i kanë kaluar të gjitha limitet. Kosova nuk është pronë e tyre.

Nuk kanë të drejtë ta mbjnë peng një popull, një shtet, një rini të tërë. Njerëzit që qeverisin e ata qe po e shkaterrojnë çdo ditë, janë duke e trajtuar Kosovën pa respekt, e kanë grabitur dhe e kanë përdhunuar.
Ne, qytetarët kemi filluar të turpërohemi me realitetin e krijuar, me atë çka flitet e shkruhet sot në botë për Kosovën.

Ju pyes, a është kjo Kosova që ju i premtuat popullit, apo është ajo që ju dini me ndërtuar? Po duket se është ajo që ju dini me ndërtuar, …prandaj ju them se ju nuk jeni duke e ndërtuar, por jeni duke e shëmtuar Kosovën.
Ne, qytetarët e Kosovës, jemi lodhur të turpërohemi para të tjerëve që jemi të Kosovës, të një vendi të mjeruar ku dominon huliganizmi, korrupsioni, papunësia, hajnia, anarkia, papërgjegjësia, josinqeriteti e padija e liderëve politikë. Mos u “byrytni” më se e keni tepruar me mënyrat e sjelljëve të juaja primitive, nuk keni bërë asgjë për Kosovën dhe për popullin e saj, jeni vetëm duke e degraduar pa meshirë.

Populli i Kosovës është duke e paguar faturën tuaj të shtrenjtë dhe për këtë një ditë do të ju mallkon.