Pacolli: Tanzania na njohu, merita është e imja

Presidenti i Aleancës Kosova e Re (AKR), Begjet Pacolli, ka deklaruar për Telegrafin se shteti i Tanzanisë te enjten e ka njohur Republikën e Kosovës.

“Me këtë shtet kam punuar shumë, që të arrihet kjo njohje për shtetin më të ri në Evropë”, ka thënë ai për Telegrafin. “Unë jam angazhuar maksimalisht, duke udhëtuar shumë herë në shtetin afrikan, si në cilësinë e deputetit dikur, e po ashtu edhe në cilësinë e zëvendëskryeministrit të cilin e ushtroj tash për ta marrë njohjen për Kosovën”. /Telegrafi/
————————————————————
Zëvendëskryeministri i Parë, Behgjet Pacolli ka njoftuar se Tanzania e ka njohur pavarësinë e Kosovës.

“Kjo është njohja më e rëndësishme për Kosovën. Pas kësaj njohje, do të ketë edhe shumë shtete tjera që do ta pranojnë pavarësinë e Kosovës”, ka deklaruar Pacolli në një konferencë për media që po zhvillohet aktualisht, njofton gazetari i Gazetës Express.

Ai tha se njohja nga Tanzania është rezultat i punës së tij në Afrikë.

Pacolli ka qëndruar para pak ditësh në Adis Abeba të Etiopisë ku është mbajtur samiti i Unionit Afrikan.

Ndërkohë që kontinenti afrikan është destinacion i shpeshtë i Pacollit, ku ai lobon në shtete të ndryshme për njohjen e pavarësisë.

Aktualisht Kosova është njohur nga rreth 100 shtete të botës, por MPJ e Kosovës i ka vetëm 96 shtete në listën e saj të njohjeve.(express)