Pacolli: S’kanë vizion

Presidenti i AKR-së, Behgjet Pacolli nuk është i kënaqur me punën e koalicionit qeverisës PDK-LDK. Sipas Pacollit këtyre dy partive u mungon vizioni.

Pacolli në një intervistë për ‘Epokën e Re”, ka thënë se do të dëshironte një opozitë kompakte të bashkuar të paktën në disa qëllime kryesore.

Ai ka thënë se ultimatumet nuk i duken ndonjë rrugë fort e studiuar dhe që të çon diku. Pacolli ka thënë një vlerësim edhe sa i përket themelimit të Gjykatës Speciale. Ai ka thënë se kjo gjykatë duhet të themelohet në përputhje me këshillat e miqve tan ndërkombëtare.

Duke folur për partinë që drejton, Pacolli ka thënë se ndjen nevojën e një AKR-je të re, të pranishme fuqimisht në skenën politike. Ai thotë se nuk është i pazëvendësueshëm për ta drejtuar partinë. Sipas, ka edhe të tjerë që do të udhëhiqnin AKR-në me sukses. Pacolli ka treguar se është duke punuar intenzivisht që Mimoza Kusari të vendosë për udhëheqjen e AKR-së./Indeksonline/