Pacolli: Shpresojmë që vitin tjetër ta festojmë Ditën e Çlirimit me ata që po mbahen në Hagë

Kryetari i AKR-së, Behgjet Pacolli ka uruar Ditën e Çlirimit të Kosovës, duke thënë se secili përvjetor tregon për sakrificën që ka bërë populli shqiptar për liri.

“Në këtë ditë të madhe për vendin, kujtojmë sakrificën e dëshmorëve dhe atyre që u flijuan për këtë vend dhe njëkohësisht duke shprehur falenderimin e thellë për botën demokratike me në krye SHBA-në që ndalën shfarosjen e një populli të tërë”, ka shkruar Pacolli.

Ai më tej ka uruar që përvjetorin e ardhshëm të jenë të pranishëm edhe ish-krerët e UÇK-së të cilët po gjykohen në Hagë.

“Duke u uruar qytetarët e Kosovës për këtë ditë historike, lus zotin që përvjetorin tjetër ta festojmë së bashku edhe me ish luftëtarët e UÇK-së që sot padrejtësisht gjenden në Hagë”, ka shkruar ai në Facebook. /Zëri/