Pacolli shprehet i habitur me “qëndrimin e opozitës parlamentare”!
RajoniPress
22:30, 25 Janar, 2016
Presidenti i AKR –së, Behgjet Pacolli, ka kritikuar opozitën që sipas tij ka mungesë të qëndrimit lidhur me çështjen e zgjedhjes së Presidentit.
Më poshtë është postimi i tij i plotë në Facebook.
Ku është opozita parlamentare?
Ajo që më habit në lidhje me çështjen e zgjedhjes së Presidentit është qëndrimi i opozitës parlamentare, më mirë të them, me habit mungesa e qëndrimit të tyre.
– A kanë ata opinion për zgjedhjen e presidentit nga populli?
– Pse nuk kërkojnë llogari për harxhimin e parave të shtetit për punën e komisionit kushtetues që duhet ta miratonte zgjedhjen popullore të kreut të shtetit?
– Nëse opozita, si pretendon, ka kandidatë të mirë dhe gëzon mbështetjen popullore, pse ajo nuk mban qëndrim për këtë çështje thelbësore?
– Pse nuk luftojnë ata për të patur institucione të forta që tani?
Pse nuk janë gati të garojnë ata dhe të testojnë popullaritetin e tyre, sa vlejnë?
