Pacolli: Përfshirja e ShBA-së në dialogun Kosovë-Serbi, e domosdoshme
Ministri i Punëve të Jashtme, Behgjet Pacolli, ka thënë se përfshirja e SHBA-së në dialogun Kosovë-Serbi është e domosdoshme.
Pacolli ka thënë se është e vështirë që të ketë një marrëveshje përfundimtare mes Kosovës dhe Serbisë pa përfshirjen direkte të ShBA-ve, shkruan Indeksonline.
“Përfshirja e SHBA në dialogun Kosovë-Serbi, e domosdoshme. Duke marrë parasysh rolin vendimtar të Shteteve të Bashkuara të Amerikës në përfundimin e luftërave të përgjakshme në ish-Jugosllavi, ndërtimin e paqes dhe garantimin e stabilitetit në Evropën Juglindore, respektivisht Ballkanin Perëndimor është pothuajse e paimagjinueshme dhe shumë e vêshtirë të ketë një Marrëveshje përfundimtare/historike Kosovë-Serbi pa përfshirjen direkte të ShBA-ve. Andaj, përfshirja direkte e SHBA-së bashkë me BE-në, në fazën përfundimtare është e domosdoshme, në mënyrë që të sigurohet një Marrëveshje përfundimtare e pranueshme dhe e zbatueshme për të dy palët” ka shkruar në facebook Pacolli./Indeksonline/