Pacolli për një vit u pasurua me 130 milionë euro

Zëvëndëskryeministri i Kosovës, Behxhet Pacolli, për një vit ka dyfishuar pasurinë, ndonëse nuk merr pagë nga buxheti i Kosovës.Pacollit i ka ecur biznesi mire prëj kohës sa është emëruar zëvendëskryeministër i Qeverisë së Kosovës, pasi që pasuria e tij është shtuar për 130 milionë euro vetëm për një vit.

Lideri i Aleancës Kosova e re, ndonëse nuk paguhet nga buxheti i Kosovës, ai sivjet ka arritur një pasuri të përgjithshme prej hiç më pak se 305 milionë euro, duke vazhduar të qëndrojë në krye të listës së politikanëve më të pasur në vend, shkruan zëri.

Ai vitin e kaluar në AKK kishte deklaruar një pasuri të përgjithshme prej 176 milionë euro, apo rreth 130 milionë euro më pak se sivjet. Sipas formularëve të AKK-së, të cilët janë bërë publik, Pacolli ka deklaruar se ka në pronësi kompani me aksione anonime, vlera e te cilave është 125 milionë, derisa kompanitë e tilla vitin e kaluar i kishte vlerësuar vetëm 80 milion euro.

Pacolli nuk ka sqaruar nëse është rritur vlera e kompanive, apo numri i tyre, të cilat i mban sekret për opinion publik./Indeksonline/