Pacolli në Viti: Rinia është aseti më i madh që ka Kosova

Viti – Aleanca Kosova e Re, sot ka mbajtur takim me qytetarët e Komunës së Vitisë, ku para të pranishmëve presidenti i saj, Behgjet Pacolli, tha se do donte shumë që Kosovën tonë ta drejtojnë njerëz të rinjë, njerëz të kohës sepse faktori kohë është shumë më rëndësi.

“Kosova posedon një potencial të pa krahasueshëm me shtetet tjera, ky potencial është rinia jonë, një rini proaktive, një rini që ec krahas me kohën dhe një rini e cila sot është në gjendje të bëjë mrekullira”, deklaroi Presidenti Pacolli.

Ai më tej tha se dëshirë e tij e pa plotësuar mbetet që ta shoh rininë njëherë që të udhëheq përpara me proceset e Kosovës.

“AKR-ja e ka synim rininë, e ka synim punësimin e rinisë. AKR-ja do të jetë pjesë e qeverisë së ardhshme, nëse garantohet puna e sinqertë, aty ku nuk vidhet aty ku nuk ka korrupsion dhe aty ku gjenerohet punësim.

Kryetari i degës së AKR-së në Viti, Besim Ymeri, vlerësoi se Presidenti Pacolli paraqet për qytetarët e Vitisë një besim të madh për rikthimin e shpresës së banorëve të komunës sonë në veçanti dhe të tërë Kosovës në përgjithësi.

Në fund Presidenti Pacolli bëri prezantimin e disa nga kandidatët për deputet që ishin prezent në këtë takim.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).