Pacolli në samitin e Unionit Afrikan, lobim intensiv

Në ditën e parë të qëndrimit në Etiopi, zëvendëskryeministri i Kosovës, Behgjet Pacolli do të marrë pjesë në ceremoninë e hapjes së konferencës vjetore të Unionit Afrikan që koincidon me 50 vjetorin e themelimit të kësaj organizate.

Gjatë kësaj ceremonie zëvendëskryeministri Pacolli pritet të takohet me disa krerë shtetesh me presidentin e Zambisë, Botsvanës, Tanzanisë dhe Sudanit Jugor.

Zëvendëskryeministri Pacolli pritet të zhvillojë një darkë pune me komisioneren e lartë të Unionit Afrikan, Dlamina Zuma dhe me ish presidentin e Nigerisë, Olesegun Abasango, që është figurë shumë e respektuar në kontinentin Afrikan, thuhet në njoftimin e lëshuar nga Zyra e zv/kryeministrit Pacolli.

Aktiviteti diplomatik i Pacollit vazhdon edhe të dielën, ku sipas agjendës pritet të zhvillohen takime të rëndësishme në kuadër të Samitit të vendeve të Unionit Afrikan, në të cilin është duke marrë pjesë edhe sekretari amerikan i shtetit John Kerry.