Pacolli: Në një takim të kotë, Mustafa e Thaçi vetëm lavdëruan njëri – tjetrin
Lideri i AKR-së dhe ish zëvendëskryeministri në Qeverinë Thaçi II, Begjet Pacolli, sot në Facebook ka kritikuar takimin e kryeministrit Mustafa dhe të zëvendësit të tij Thaçi me përfaqësuesit e medieve.
Pacolli takimin e ka quajtur të kotë dhe me përplot elozhe në relacionin kryeministër – zëvendëskryeministër.
Pacolli ka shkruar:
“Të dashur miq, Sot ndoqa takimin e Qeverisë me shoqërinë civile dhe përfaqësuesit e medieve. Ky takim nuk ishte asgjë, përveçse humbje kohe. Aty Kryeministri dhe Ministri Jashtëm i Kosovës lavdëruan njëri-tjetrin, dhe ua humbën pak kohën gazetarëve.
Rezultati i kësaj; Mbi 70% e qytetarëve janë kundër kësaj Qeverie të dobët, kundër Kryeministrit dhe Zv. Kryeministrit të Kosovës.
Më duket që populli është lodhur nga fjalët boshe, premtimet, dhe nga performanca shumë e dobët e tyre, pazaret e tyre politike, mossuksesi në punë, etj. Rezultatet tregojnë qartë si qeveriset Kosova”.