Pacolli në dilemë

Zëvendëskryeministri Behgjet Pacolli, në një intervistë dhënë për emisionin “Tonight” ka thënë se ende nuk e di nëse do të kandidojë për president të Kosovës, në zgjedhjet e ardhshme presidenciale Zëvendëskryeministri Behgjet Pacolli, në një intervistë dhënë për emisionin “Tonight” ka thënë se ende nuk e di nëse do të kandidojë për president të Kosovës, në zgjedhjet e ardhshme presidenciale.

Pacolli, duke folur për përvojën e tij në zgjedhjen dhe largimin e tij nga posti i Presidentit brenda 35 ditëve, ka thënë se “kam qenë pak naiv në politikë, kam menduar se ka sinqeritet, por s’paska qenë e vërtetë, dhe të jesh politikan i spikatur do të thotë që nganjëherë të gënjesh, nganjëherë të mos thuash të vërtetën. Unë nuk mund të jem kështu, jam i drejtpërdrejtë, jam i betuar të them gjithmonë të vërtetën dhe këtë do ta bëj gjithmonë”.

I pyetur nëse do të kandidonte përsëri për postin e Presidentit, Pacolli ka thënë se nuk di çfarë të thotë.

“Kontributin tim po e jap, sot jam 50 me 50. Sepse kam një familje të mrekullueshme dhe ndonjëherë them se duhet ta shijoj atë, mund të ndodhë që ideja se familja është në plan të parë mund të ndodhë. Kontributin tim e kam dhënë edhe si opozitë, ku kam bërë të mundur 20 njohje të reja, tashmë edhe si pozitë. Do të jem i legjitimuar si shërbyes i popullit të Kosovës”, tha ai.