Pacolli: Mos e keni dert, AKR-ja do ta kalojë pragun

Kryetari i Aleancës për Kosovë të Re, Behgjet Pacolli ka apeluar të gjithë që të rrinë të qetë, pasi që sipas tij, AKR-ja do ta kalojë pragun. Pacolli gjatë një konferencë për media ka thënë se partia e tij është e pastër dhe se anëtaret e saj nuk janë të hetuar si të disa partive të tjera.

“Unë ju kum thënë, mos e keni dert, këqyrni punët e tuaja dhe leni AKR-në të udhëtojë lirshëm pasi që ne e dimë ma mirë për fatin tonë. E dini vet se para zgjedhjeve lokale krejt kanë fol që AKR-ja do të zhduket por që ne i fituam dy komuna me rëndësi të madhe”, ka thënë Pacolli.

Këto deklarata, Pacolli i ka dhënë gjatë aderimit zyrtar të ish-kryeministrit, Bajram Kosumi në AKR.