Pacolli: Ligji anti-COVID duhet të vijë urgjentisht në Kuvend, nuk fitohen poena politik duke fajësuar njëri-tjetrin

Kryetari i Aleancës Kosova e Re, Behgjet Pacolli ka kërkuar që në Ligji për pandeminë të shkojë në Kuvendin e Kosovës urgjentisht.

Pacolli përmes një postimi në Facebook, ka thënë se ashtu siç po kërkon kryetarja e Kuvendit, Vjosa Osmani ky ligj duhet të shkojë në sallën e Kuvendit për tu miratuar dhe sipas tij politikanët duhet t’i lënë anash sherret mes vete dhe të tregohen të përgjegjshëm.

“Ligji anti-COVID duhet të vijë urgjentisht në sallën e Kuvendit ashtu si e kërkon Kryeparlamentarja, Vjosa Osmani. Le t’i lejmë mënjanë sherret, llogaritë kur COVID-19 është ulur këmbëkryq dhe mes deputetëve. Ta përkryejmë nëse është nevoja, por të jemi të përgjegjshëm. Pandemia është rasti më i mirë me qenë bashkë politikisht! Nuk fitohen poena politike duke fajësuar shoqishoqin! Ka probleme kushtetuese, financiare, koordinimi që duhen adresuar! Koha nuk pret”, shkruan Pacolli. /Telegrafi/