Pacolli: Krenar që populli i Kosovës dëshmon vlerat evropiane kudo në Evropë

Kryetari i partisë Aleanca Kosova e Re, Behgjet Pacolli ka uruar për Ditën e Evropës, përmes rrjetit social Facebook, duke thënë se ndihet krenar që populli i Kosovës dëshmon vlerat evropiane kudo në Evropë.

Ky është postimi i plotë:
“Të dashur miq!
Sot 66 vite më parë është dita kur u hodh hapi i parë drejt krijimit të asaj që sot njihet si Bashkimi Evropian. Unë jam krenar që populli i Kosovës dëshmon vlerat evropiane kudo në Evropë.
Fal meritave të juaja, muaji maj filloj mbarë për vendin tonë, dhe ne do të vazhdojmë të punojmë së bashku deri në realizimin e ëndrrës së madhe – Anëtaresimi në BE. Për të arritur këtë, qeveritarët në vend duhet të luftojnë korrupsionin, jo vetëm me fjal, por edhe me punë, duhet krijuar perspektivë ekonomike dhe vende pune për të rinjet,
Urime Dita e Evropës gjithëve, dhe na priftë e mbara në këtë rrugëtim të gjatë, por të sigurt!”/Indeksonline/