Pacolli kërkon të hapet Fondi për Ushtrinë e Kosovë: Ta mbështesim atë edhe me fonde vetanake

Kryetari i AKR-së, Behgjet Pacolli, ka thënë se Kosova duhet të krijojë Fondin për Ushtrinë. Në një status në Facebook ai ka thënë se ai duhet të mbështetet edhe me fonde vetanake.

Pacolli ka shtuar se ngjarjet në Ukrainë kanë treguar se duhet të kujdesemi për vetëmbrojtje dhe se Kosova duhet të ketë një ushtri të fortë.

“Ngjarjet në Ukrainë na kujtojnë rëndësinë e vetëmbrojtjes dhe te pasurit e një ushtrie të fortë. Fondi për Ushtrinë e Kosovës duhet të mundësohet sa më shpejt. Ta mbeshtesim atë edhe me fonde vetanake!”, ka shkruar ai në Facebook.

Ndryshe, Ukraina është sulmuar nga Rusia në një lëvizje që është dënuar nga të gjitha shtetet perëndimore. /Gazeta Express/