Pacolli: Do të bëhemi bashkë me AAK’në, para ose pas zgjedhjeve

Lideri i Aleancës Kosova e Re, Behgjet Pacolli, ka folur për përafrimin e këtij subjekti politik me Aleancës për Ardhmërinë e Kosovës, përkatësisht me kreun e saj, Ramush Haradinaj.

Pacolli, në emisionin Komiteti, ka shpjeguar raportet e tij me Haradinajn ndër vite, duke treguar se për të ka një simpati të madhe.

Kreu i AKR’së ka folur për të gjitha kombinimet që do të mund të bëheshin mes partisë së tij dhe subjekteve tjera politike ka bërë të ditur se mundësitë më të mëdha për krijim të koalicionit janë me AAK’në, para ose pas zgjedhjeve.