Pack: E pafalshme, Kosova tani është në kaos

Politikanja gjermane dhe ish-europarlamentarja, Doris Pack, ka reaguar pas zhvillimeve të djeshme që rezultuan me rrëzimin e Qeverisë së Albin Kurtit.

Pack ka thënë se Kosova tashmë ka rënë në krizë në kohën e pandemisë COVID-19, dhe sipas saj një gjë e tillë është e pafalshme për Lidhjen Demokratike të Kosovës.

Politikanja gjermane thotë se drejtuesit politik të LDK’së kanë luajtur lojën e tradhtisë së presidentit të Kosovës, Hashim Thaçi dhe emisari të Trump për dialogun, Richard Grenell, duke e rrëzur Kurtin.

Sipas saj një gjë e tillë është e pafalshme.

“Në mes të krizës së koronës Kosova ra në kaos. Është e pafalshme se si drejtues politik të LDK’së luajtën lojën perfide të Thaçit dhe Grenellit”, ka shkruar Pack në twitter, raporton Gazeta Express.

Në orët e vona të së mërkurës me 82 vota pro është rrëzuar Kurti nga pushteti. Mocioni i mosbesimit i inicuar nga Lidhja Demokratike e Kosovës kishte marrë përkrahjen e të gjitha partive të PAN-it dhe pakicave, ndërkohë ishte kundërshtuar nga Lëvizja Vetëvendosje, kryeparlamentarja Vjosa Osmani dhe dy deputetë të tjerë të LDK’së.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).