Pa një tufë lulesh
RajoniPress
08:14, 25 Korrik, 2020
Poezi nga Avdush Canaj
Erdhi virusi i padukshëm
i stërkalave,
ma mori gjyshin e gjyshen
për një ditë.
Bile t`i kisha parë
e t`i kisha puthur
në distancë
një metër e gjysmë.
T`isha ç`mallur pak me ta.
O Zot,
me pesë vetë i dërguan
te banesat e selvive!
Pa asnjë tufë lulesh,
pas asnjë kurorë!
Më zi se në luftë!
Këshu s`e meritonin
gjyshi dhe gjyshja.
Kështu donte virusi Korona.
Neve na la me maska
dhe lotin për ta.
Gjilan, 24 korrik 2020
