Pa ‘izën’ e Kuvendit nuk shitet PTK-ja

Nëse deri në fund të javës Kuvendi i Kosovës nuk e legjitimon privatizimin e 75% të aksioneve të PTK-së, nuk do të ketë as nënshkrim të kontratës për shitje me konsorciumin “Axos & Najafi companies”. Kështu, kjo e fundit do të tërheqë edhe 3 milionë euro që i ka deponuar si garancion për blerjen e PTK-së.

Këtë e ka konfirmuar për gazetën Tribuna, ministri i Zhvillimit Ekonomik Fadil Ismajli. “Në rast se Kuvendi i Kosovës nuk e miraton shitjen e PTK-së, atëherë ky proces do të kthehet në pikën zero dhe buxheti i Kosovës nuk do të mund t’i inkasojë as 3 milionë euro nga garancioni bankar i kompanisë “Axos” për shkak se ky proces atëherë nuk po dështon me fajin e kompanisë”, ka thënë Ismajli. Megjithatë, ai shpreson që kjo të mos ndodhë.

“Por, unë dua të besoj se Kuvendi do ta miratojë privatizimin e PTK-së dhe ky proces të përmbyllet në mënyrën më të mirë”, ka thënë Ismajli…(Tribuna).