Osmani takohet me Kongresmenin republikan, diskutohet për zhvillimet në Kosovë

Presidentja e Kosovës, Vjosa Osmani është takuar sot me Kongresmenin republikan Pete Sessions.

Ajo përmes një postimi në rrjetin e saj social Facebook ka ndarë një postim për takimin e saj me Kongresmenin, duke theksuar se ky takim ishte një mundësi e rëndësishme për të diskutuar për zhvillimet në Kosovë dhe për thellimin e partneritetit me SHBA-të, transmeton Zeri.info.

“Një takim produktiv me Kongresmenin republikan Pete Sessions, me të cilin pata mundësi të diskutoj për zhvillimet në Kosovë dhe partneritetin me SHBA-të”, shkroi ajo në Facebook.

Ndërkaq Osmani shprehu falënderim për mbështetjen e vazhdueshme të Shteteve të Bashkuara në rrugën drejt zhvillimit dhe stabilitetit në Kosovë. /Zëri