Osmani: Sot kujtojmë të gjitha gratë që s’janë më e që u shndërruan në simbol rezistence
Presidentja e Kosovës, Vjosa Osmani, ka uruar 8 Marsin, Ditën Ndërkombëtare të Gruas.
Osmani tha se sot në Ditën Ndërkombëtare të Gruas po shënohen arritjet e grave dhe vajzave, si dhe përpjekjet e jashtëzakonshme të tyre në Kosovë, e kudo në botë për të drejta të barabarta.
Ndërkaq ajo kujton edhe gratë e vajzat që nuk janë më e që u shndërruan në simbol rezistence, transmeton Zeri.info.
“Sot kujtojmë dhe të gjitha ato gra e vajza që nuk janë më në mesin tonë, e të cilat u shndërruan në simbol rezistence, lufte dhe angazhimi për liri e barazi”, shkruan ajo në Facebook.
Presidentja gjithashtu shprehet se forca, qëndrueshmëria dhe zelli i pashoq për emancipimin e vazhdueshëm, zhvillimi e barazia qëndrojnë në themelet e Republikës sonë. /Zëri/